➤ PTI itself is not sincere for Election.
الیکشن کیلئے پی ٹی آئی خود مخلص نہیں، رانا ثنا اللہاسلام آباد(مسائل نیوز) وفاقی وزیر داخلہ رانا ثنا اللہ نے کہا ہے کہ الیکشن کے لیے پی ٹی آئی خود مخلص نہیں، ان کی دھمکیوں میں نہ پہلے آئے اور نہ اب آئیں گے۔نجی ٹی وی کو انٹرویو دیتے ہوئے راناثنا اللہ نے کہا کہ فارن فنڈنگ کے فیصلے میں عمران خان کی چوری پکڑی گئی۔انہوں نے کہا کہ عمران خان پوری قوم کے سامنے ایکسپوز ہوچکے، یہ اب اس سے بچنا چاہتے ہیں۔
وفاقی وزیر داخلہ نے مزید کہا کہ پریڈ گرانڈ میں ان کو جلسے کی اجازت ہے، ان لوگوں کو پہلے بھی اجازت دی تھی، جلسے کا اعلان چوری چھپانے کے لیے کیا گیا۔انہوں نے کہا کہ ان کی دھمکیوں میں نہ پہلے آئے نہ اب آئیں گے، الیکشن کے لیے یہ لوگ خود مخلص نہیں ہیں۔رانا ثنا اللہ نے یہ بھی کہا کہ پی ٹی آئی کا راستہ تباہی اور گمراہی کی طرف جاتا ہے، عمران خان ناسور ہے، قوم کو لے ڈوبے گا، ملک کو تبا کردے گا، یہ قوم کے نوجوانوں کو گمراہ کر رہا ہے۔
ن لیگی رہنما نے کہا کہ اگر انہوں نے 9 حلقوں میں امیدوار نہ دیے تو 7 میں ہاریں گے، یہ ہماری نہیں پی ٹی آئی کی ہی سیٹیں ہیں۔وفاقی وزیر نے کہا کہ الیکش کمیشن نے فارن فنڈنگ کیس کے فیصلے کی کاپی وفاقی حکومت کو بھیجی ہے، جو اب وزارت داخلہ کے پاس آئی ہے، جسے ہم نے ایف آئی اے کو بھیج دیا ہے۔انہوں نے کہا کہ ان کے اکانٹس میں پیسے غیر قانونی طریقے سے آئے، پی ٹی آئی کے عہدیداروں کے کالے کرتوت ان اکانٹس میں چھپے ہیں، تحقیقات میں تعاون نہ کیا تو قانون گرفتاری کی اجازت دیتا ہے۔رانا ثنا اللہ نے کہا کہ نواز شریف اگلے انتخابات کی مہم سے پہلے واپس آئیں گے، جاوید لطیف نے اپنے اندازے سے بات کی ہوگی، واپسی کی تاریخ بھی پارٹی قائد خود بتائیں گے۔
Visit for Latest News.
